बलात्कारको कसुरमा १० वर्ष कैद सजायको फैसला

  ०७८ माघ ११ गते

३३ वर्षीया शारीरिक अपाङ्गता भएकी महिलालाई बलात्कार गरेको कसुरमा कालिका नगरपालिका–६ का ४१ वर्षीय विष्णुप्रसाद दुलाललाई १० वर्ष कैद सजाय हुने फैसला भएको छ ।

जिल्ला न्यायधीश केशव अधिकारीको इजलासले माघ ११ गते सो फैसला गरेको श्रेष्तेदार इश्वर आचार्यले बताउनु भयो ।

पीडितलाई ०७८ असोज १९ गते बलात्कार गरेको भन्दै दुलालविरुद्ध पीडितको आमाले असोज १९ गते रत्ननगर इलाका प्रहरी कार्यालय उजुरी दिनुभएको थियो ।

पीडित महिलाको स्वास्थ्य परीक्षण असोज १९ गते भरतपुर अस्पतालमा गरिएको थियो । दुलाललाई प्रहरीले असोज १९ गते गिरफ्तार गरी कार्तिक ७ गते अदालतमा पेस गरेकोमा अदालतको आदेशमा पुर्पक्षका लागि थुनामा पठाएको थियो ।


दिपेन्द्र अधिकारी