समाचारहरू

चार वर्षीया बालिकालाई बलात्कार गरेको कसुर ठहर गर्दै  जिल्ला अदालतले घोराही उप–महानगरपालिका –१३ का २६ वर्षीय गोविन्द विक र १८ वर्षीय प्रितम मतवालालाई जन्मकैदको फैसला गरेको छ ।

जिल्ला न्यायाधीश हिमलाल बेलबासेको इजलासले मङसिर २२ गते बलात्कार कसुरमा दोषी ठहर गर्दै जन्म कैदको फैसलासँगै पीडित राहत कोषमा जम्मा हुनेगरी जनही २ हजार ८ सय रुपियाँ जरिबाना गरेको छ भने पीडितलाई पीडित राहतकोषबाटै २ लाख रुपियाँ क्षतिपूर्ति उपलव्ध गराउने फैसला गरेको श्रेस्तेदार हिरण्यप्रसाद भण्डारीले जानकारी दिनुभयो ।

पीडितलाई आरोपितद्वयले ०७८ जेठ २४ गते सामूहिक बलात्कार गरेको भन्दै पीडित पक्षले जेठ २७ गते जिल्ला प्रहरी कार्यालय दाङमा उजुरी दिएका थिए ।

पीडितको स्वास्थ्य परीक्षण जेठ २७ गते राप्ती स्वास्थ्य विज्ञान प्रतिष्ठानमा गरिएको थियो ।

जयनारायण पुन