बलात्कार घटनाकी पीडितलाई इन्सेकको आर्थिक सहयोग

  ०८० चैत २० गते

४० वर्षीया सुस्त मनस्थिति भएकी बलात्कार घटनाकी पीडित एकल महिलालाई इन्सेकले ०८० चैत १९ गते आर्थिक सहयोग गरेको छ ।

इन्सेकका मधेस प्रदेश संयोजक राजु पासवान, वडा अध्यक्ष दिपेन्द्र कुमार यादव, वडा सदस्य पलास सदायले पीडितलाई संयुक्त रुपमा १० हजार रुपियाँ चेक मार्फत हस्तान्तरन गर्नु भयो ।

अर्नमा गाउपालिका—२ का २५ वर्षीय शेखर शर्मा बरहीले फागुन १६ गते बलात्कार गरेको आरोपमा पीडितले जिल्ला प्रहरी कार्यालय सिरहामा फागुन १७ गते उजुरी दिएकी थिइन् । पीडितको स्वास्थ्य परीक्षण प्रादेशिक अस्पताल सिरहामा फागुन १७ गते भएको थियो ।
आरोपित फरार रहेकोले खोज तलास भइरहेको जिल्ला प्रहरी कार्यालय सिरहाका इन्सपेक्टर उदयभान द्धिवेदीले बताउनु भयो ।

पीडितको आर्थिक अवस्था कमजोर रहनुका साथै खानलाउन तथा सुत्ने ओछ्यान समेत नभएकोले पीडितलाई आर्थिक सहयोग गरेको इन्सेकका मधेस प्रदेश संयोजक राजु पासवानले बतउनु भयो । साथै उक्त सहयोगले पीडितलाई कानुनी प्रक्रियाको लागि अगाडि बढ्न र स्वास्थ्य उपचारमा समेत मद्दत पुग्ने विश्वास उहाँले व्यक्त गर्नु भयो ।

त्यसैगरी, पीडितको कानुनी उपचार र आरोपितलाई गिरफ्तार गर्न र जिल्लाको मानव अधिकारको अवस्था बारे छलफल गर्न जिल्ला प्रहरी कार्यालय सिरहाका एसपी सन्तोष आचार्यसँग भेटघाट गरी छलफल समेत संयोजक पासवानले गर्नु भयो ।


दुर्गा परियार