समाचारहरू

१४ वर्षीया बालिकालाई बलात्कार गरेको आरोपमा कलैया उपमहानगरपालिका-६ मदर्शा टोलका २७ वर्षीय ईम्तियाज अन्सारीलाई ०८१ साउन १९ गते प्रहरीले घरबाट गिरफ्तार गरेको छ ।

आरोपितले बालिकालाई ०७१ जेठ २२ गते बलात्कार गरेको आरोपमा पीडितका बुबाले जेठ २३ गते जिल्ला प्रहरी कार्यालयमा उजुरी दिनुभएको थियो । आरोपितलाई अस्थायी प्रहरी चौकी बसपार्कको प्रहरीले साउन १९ गते गिरफ्तार गरेको डिएसपी प्रकाश सापकोटाले बताउनु भयो ।

पीडितको स्वास्थ्य परीक्षण कलैया अस्पतालमा ०७१ जेठ २३ गते भएको थियो ।

आरोपितविरुद्ध ०७२ वैशाख ३१ गते जिल्ला अदालतले नौ वर्ष ६ महिना १५ दिन कैद सजायको फैसला गरेको थियो । आरोपितले ०७२ जेठ १४ गते पुनरावेदन अदालत हेटौडामा मुद्दा दर्ता गराएका थिए । पुनरावेदन अदालत हेटौडाले ०७३ जेठ १० गते जिल्ला अदालतको फैसलालाई सदर गरेको थियो । ०७७ चैत १ गते जिल्ला अदालतले चलानी नं ९१५० को पत्रका साथ मुद्दाका सबै कागजात सर्वोच्च अदालतमा पठाएको श्रेस्तेदार लालबहादुर कार्कीले बताउनु भयो ।

भोलानाथ पौडेल