समाचारहरू

नेत्रविक्रम चन्द नेतृत्वको नेपाल कम्युनिष्ट पार्टीले स्थानीय निकायको चुनावको विरोधमा आह्वान गरेको नेपाल बन्दका कारण वैशाख ३० गते जिल्लाको जनजीवन अत्यन्तै प्रभावित भएको छ । बिहानै देखि जिल्ला भित्रने र बाहिरीने कुनै सवारी साधन नचलेको जिल्ला ट्राफिक कार्यालय प्रमुख प्रेम श्रेष्ठले बताए । जिल्लाको क्षेत्र पूर्णरूपमा बन्द भएको छ । जिल्लामा भारतिय सैनिकहरूको पेन्सन वितरण भइरहेकाले विभिन्न स्थानबाट सदरमुकाम आउने सेवाग्राही बढी प्रभावित भएका छन् । गाउँबाट सदरमुकाम तम्घास आउने बिरामी, यात्रु, सेवाग्राही तथा विद्यार्थीहरू बन्दको प्रभावमा परेका छन् ।

जिल्लाको सुरक्षा ब्यवस्था मिलाउन आवश्यक सुरक्षाकर्मीको टोली तैनाथ गरिएको जिल्ला प्रहरी कार्यालयका डिएसपी महेन्द्र नेपालले बताए ।

टोपलाल अर्याल