समाचारहरू

दार्मा गाउँपालिका-३ फारूलाचौरकी ३२ वर्षीया रूपा खत्रीलाई पुस २६ गते बिहान उनकी २६ वर्षीया सौता कल्पना चन्दले बन्चरो प्रहार गरी हत्या गरेको प्रहरीले जनाएको छ ।

सामान्य झगडाको विषयलाई लिएर कान्छीले जेठी सौताको हत्या गरेको जिल्ला प्रहरी कार्यालय सल्यानका डिएसपी भरतबहादुर बिकले जानकारी दिए ।

घटनापछि कल्पना चन्द फरार रहेको प्रहरीले जनाएको छ । मङ्सिर २५ गते राति १० बजे दुई सौताबिच झगडा भएपछि बिहान १ बजे कल्पना चन्दले बन्चरो प्रहार गरेको प्रारम्भिक अनुसन्धानबाट बुझिएको प्रहरीले जनाएको छ ।

फरार चन्दको खोजी भइरहेको र घटनाको थप अनुसन्धान भइरहेको डिएसपी बिकले जानकारी दिए । शवको पोष्टमार्टम जिल्ला अस्पताल सल्यानमा भएको छ । मृतक खत्रीका तीन छोरी र एक छोरा छन् ।

मिना बुढाथोकी