फुपूको हत्या गरेको आरोपमा भदो गिरफ्तार

  ०७३ माघ २६ गते

वागचौर नपा-३ की ६० वर्षीया फुपू टिकी वलीलाई लाठीले हिर्काएर हत्या गरेको आरोपमा प्रहरीले सोही ठाउँका १९ वर्षीय भदो भाइ दिपक भण्डारीलाई माघ २५ गते गिरफ्तार गरेको छ ।

घरमा रहेकी फुपूलाई माघ २५ गते लाठीले हिर्काइ हत्या गरी घरबाट करिब ३० मिटर टाढा खोल्सामा रूखका पातहरूले छोपेको अवस्थामा शव फेला परेको जिल्ला प्रहरी कार्यालयका डिएसपी श्यामबहादुर खत्रीले बताए ।

हत्याको कारण भने खुल्न नसकेको र घटनाको विषयमा थप अनुसन्धान भइरहेको प्रहरीले जनाएको छ ।

शवको पोष्टमार्टम जिल्ला अस्पताल सल्यानमा माघ २६ गते भएको प्रहरीले जनाएको छ । प्रहरीका अनुसार मृतकको टाउकोमा चोट लागेको र आँखा फुटेको थियो ।


मिना बुढाथोकी