प्रेसर कुकर बम बनाउने बेलामा बिष्फोट हुँदा दुई जना घाइते, दुई वटा प्रेसर कुकर बम नेपाली सेनाद्वारा निष्क्रिय

  ०७९ मङ्सिर १ गते

नेपालगञ्ज उपमनपा–१० भृकुटीनगरमा आफैले बनाउन लागेको प्रेसर कुकर बम बिष्फोट हुँदा दुई जना घाइते भएका छन् । बनाएर राखेको दुई वटा प्रेसर कुकर बम नेपाली सेनाको टोलीले निष्क्रिय गरेको जिल्ला प्रहरी कार्यालयले जनाएको छ ।

घाइते हुनेहरूमा निर्वाचन विरोधी गतिविधि गर्दै आएको नेत्रबिक्रम चन्द विप्लव नेतृत्वको नेकपा क्रन्तिकारीका जिल्ला अध्यक्ष २७ वर्षीय डिल्ली डिसी, ३३ वर्षीय धर्मराज सुनार रहेका छन् । घाइते दुबै जनालाई नेपालगञ्ज  मेडिकल कलेजको आइसियु राखेर उपचार भइरहेको छ ।

उनीहरूको कोठाबाट, पर्चा,पम्पलेट, चन्दा माग गरेको रसिद र ब्यानर मरामद गरेको जिल्ला प्रहरी कार्यालयका डिएसपी रामप्रसाद घर्ती मगरले इन्सेककर्मीसँगको कुराकानीमा बताउनु भयो ।


इन्सेक लुम्बिनी प्रदेश कार्यालय, नेपालगञ्ज