प्रधानाध्यापक हत्या घटनाका आरोपित गिरफ्तार

  ०८० पुस ११ गते

कलैया उपमहानगरपालिका स्थित बाल एकता बोर्डिङ्ग स्कुलका प्रधानाध्यापक रुपेश स्वर्णकारको ०८० कात्तिक १३ गते भएकाे हत्या घटनामा संलग्न हुन सक्ने आसङ्कामा भारत मोतिहारी जिल्ला छौडादानो पञ्चायत तिनकुनि का ३२ वर्षीय सुजित कुमार सिंहलाई ०८० पुस १० गते जिल्ला प्रहरी कार्यालयबाट खटिएको टोलीले गिरफ्तार गरेको छ ।

बिश्रामपुर गाउँपालिका-३ स्थित डम्पिङ्ग साइटमा देखिएका आरोपितलाई सिंहलाई प्रहरीले गिरफ्तार गर्न खोज्दा प्रहरी माथि आक्रमण गरी भाग्न खोज्दा प्रहरीले सिंहलाई घुडामुनि गोली प्रहार गरेर नियन्त्रणमा लिएको थियो ।

घाइतेको उपचार प्रदेशिक अस्पताल कलैयामा भइरहेको जिल्ला प्रहरी कार्यालयका एसपी सुरेश काफ्लेले जानकारी दिनु भयो । आरोपित सार्प सुटर भएकाे र उनको साथबाट एक थान घरेलु हतियार, फायर भएको गोलीको खोका एक थान र गोली बरामद भएको एसपी काफ्ले बताउनु भयो । घटना बारे थप अनुसन्धान भइरहेको उहाँले बताउनु भयो ।


धिरेन्द्र प्रसाद बरै