प्रहरी हिरासतमा एक जनाको मृत्यु

  ०७८ असोज २६ गते

इलाका प्रहरी कार्यालय, टिकापुरको हिरासतमा राखिएका सुर्खेत जिल्ला चौकुने गाउँपालिका–३ का ३५ वर्षीय धनबहादुर राणा असोज २५ गते हिरासतको शौचालयमा मृत फेला परेका छन् ।

जानकी गाउँपालिका–१ का पुलुराम चौधरीको भैसी चोरेको आरोपमा अनुसन्धानका क्रममा राखिएका राणा हिरासतको शौचालयमा रहेको  भेण्टीलेटरमा गन्जीको पासो लगाई झुण्डिएको अवस्था फेला परेका हुन् ।

चोरीको आरोप लागेपछि असोज २४ गते गिरफ्तार गरी अनुसन्धानका क्रममा राणालाई हिरासतमा राखिएको अवस्थामा शौचालयको भेण्टीलेटरमा झुण्डिएर आत्महत्या गरेको ईलाका प्रहरी कार्यालय, टिकापुरका डिएसपी प्रकाश सापकोटाले बताउनु भयो ।

शवको पोष्टमार्टम असोज २६ गते टिकापुर अस्पतालमा गरी दाह संस्कारका लागि परिवारको जिम्मा लगाइएको डिएसपी सापकोटाले बताउनु भयो ।


मैनामोती चौधरी