समाचारहरू

ईलाका प्रहरी कार्यालय महेन्द्रनगरको हिरासतको पर्खाल फुटएर ०७९ माघ १६ गते फरार भएका हातहतियार तथा खरखजाना मुद्दाका आरोपित ३६ वर्षीय शंकर सिंह महतोलाई फागुन २९ गते गिरफ्तार गरेको छ । थुनुवा कक्षबाट फरार भएका ६ जना मध्ये हालसम्म पाँच जनालाई गिरफ्तार गरेको जिल्ला प्रहरी कार्यालय धनुषाका डिएसपी वेदप्रसाद गौतमले जानकारी दिनुभयो ।

मधेस प्रदेश प्रहरी कार्यालय जनकपुरधाम र जिल्ला प्रहरी कार्यालय धनुषाबाट संयुक्त रुपमा परिचालन भएका प्रहरी टोलीले पर्साको वीरगञ्ज महानगरपालिका–१६ ईनर्वास्थित भन्सार हुँदै भारत तर्फ भाग्ने क्रममा महतोलाई गिरफ्तार गरेको डीएसपी गौतमले बताउनुभयो । आरोपितलाई जिल्ला प्रहरी कार्यालय धनुषामा ल्याई थप अनुसन्धान कार्य भइरहेको डिएसपीले बताउनभुयो ।

दिपेन्द्र प्रसाद सिंह