प्रहरी हिरासतबाट फरार बलात्कार घटनाका आरोपित गिरफ्तार

 

इलाका प्रहरी कार्यालय इश्वरपुरको हिरासतबाट ०७३ असार २१ गते फरार भएका बलात्कार घटनाका आरोपित इश्वरपुर गाविस-७ का २० वर्षीय राकेश रामलाई साउन २२ गते प्रहरीले पुनः गिरफ्तार गरेको छ ।

 

१५ वर्षीया बालिकालाई असार १६ गते बलात्कार गरेको आरोपमा असार १८ गते गिरफ्तार गरिएका राम असार २१ गते प्रहरी हिरासतमा रहेका बेला शौचालय फुटाए उनी फरार भएका थिए ।

 

फरार आरोपित राम भारततर्फ लुकेर बसेको जानकारी पाएपछि विशेष सुराकीको अधारमा प्रहरीले साउन २२ गते नेपाल भारत सीमावर्ती क्षेत्र त्रिभुवननगरबाट गिरफ्तार गरिएको जिल्ला प्रहरी कार्यालय सर्लाहीले जनाएको छ ।

 

पीडित पक्षले असार १८ गते इलाका प्रहरी कार्यालय इश्वरपुरमा उजुरी दिएका थिए । पीडित बालिकाको स्वास्थ्य परीक्षण जिल्ला अस्पतालमा सोही दिन गरिएको प्रहरीले जनाएको छ ।


सन्तोषकुमार सिंह