समाचारहरू

गरुडा नपा–२ गेडहीगुठीका १९ वर्षीय सुजितकुमार सहनीको विवाहमा डिजे बाजा बजाएको खबर पाएर इलाका प्रहरी कार्यालय गरुडाको डिएसपीसहित २५ जनाको टोलीले डिजे बन्द गराउने क्रममा जेठ २३ गते बिहान स्थानीय र प्रहरीबिच भएको झडपमा परेर सात जना प्रहरी घाइते भएका छन् ।

४–५ सय जनाको सङ्ख्यामा रहेका स्थानीय र प्रहरीबिच झडप हुँदा स्थानीयले ढुङ्गामुढा गर्दा डिएसपी द्वारिकाप्रसाद घिमिरे, इन्स्पेक्टर राजा केसरी, सई अक्षयप्रसाद साह, प्रहरी जवानहरू अर्जुनकुमार मण्डल, विनयकुमार वर्णवाल, राधेश्यामप्रसाद यादव र सञ्जयप्रसाद यादव घाइते हुनु भएको हो ।

घाइते प्रहरीहरूको उपचार स्थानीय झाजपुलस्थित गे्रण्डि अस्पतालमा भइरहेको जिल्ला प्रहरी कार्यालयका एसपी सिद्धिबिक्रम शाहीले बताउनु भयो । घटनामा संलग्न दोषीलाई कारवाही हुने एसपी शाहीले जानकारी दिनु भयो ।

कोपिला तिमल्सिना