प्रहरीसँगको झडपमा दुई जना विद्यार्थी घाइते

लालबन्दी नगरपालिका–९ स्थित राजमार्ग रोडमा ट्रककको ठक्करबाट विद्यार्थीको मृत्यु भए पश्चात स्थानीय र विद्यार्थीद्वारा रिङ्गरोडमा गरिएको प्रदर्शनका क्रममा झडप हुँदा दुई जना विद्यार्थी घाइते भएका छन् ।

पुस ५ गते पूर्व–पश्चिम राजमार्ग स्थित लालबन्दी नगरपालिका–९, बस्तिपुरमा ना.३ ख ७९९० नम्बरको ट्रकको ठक्करबाट चन्द्रनगर गाउँपालिका–१ रतनपुरको जनज्योति माध्यमिक विद्यालयमा कक्षा ९ मा अध्यनरत १६ वर्षीय दीपेन्द्र यादवलाई ट्रकले ठक्कर दिएर मृत्यु भएको विरोधको क्रममा विद्यार्थी र प्रहरीबिच झडप हुँदा दुई जना विद्यार्थी घाइते भएको जिल्ला प्रहरी कार्यालयका डिएसपी माधव प्रसाद बुढाथोकीले बताउनु भयो ।

घाइते विद्यार्थीको टाउकोमा चोट र दाहिने गोडा भाँचिएका लालबन्दी नगरपालिका–२ का १५ वर्षीय रामकिशोर कुमार साह र दाहिने हातको औला तथा बाँया गोडामा चोट लागेका चन्द्रनगर गाउँपालिका–१ रतनपुरका १६ वर्षीय सिकिन्द्रकुमार यादवलाई लालबन्दीस्थित मोडेल अस्पतालमा उपचार गरी थप उपचारका लागि वीरगंज लगिएको कक्षा ९ का विद्यार्थी चन्द्रकिशोर यादवले बताउनु भयो ।


बुधन साह