प्रहरीद्वारा बालविवाह रद्ध, एक वर्षमा ३४ बालविवाह रोकिए
रुकुम पश्चिमको चौरजहारी नगरपालिकामा हुनै लागेको बालविवाह प्रहरीले रोकेको छ । उमेर नपुगी भएको विवाह भएको थाहा पाएपछि चौरजहारी नपा–१४ का १७ वर्षीय बालक र सानीभेरी गाउँपालिका–८ की १६ वर्षीया बालिकाबीचको विवाह रोकिएको प्रहरीले जनाएको हो ।
उक्त जोडीको विवाह उमेर नपुग्दै हुन थालेको भन्दै प्रहरीलाई सूचना आएपछि सिम्ली प्रहरी चौकीमा ल्याएर विवाह रद्ध गरिएको सिम्ली प्रहरी चौकीका असई गगनसिंह ठकुरीले जानकारी दिए । उनीहरूलाई बाल सञ्जालका पदाधिकारी र जनप्रतिनिधिको रोहवरमा उमेर पुगेपछि विवाह गर्न सम्झाई बुझाई गरी आफन्तको जिम्मा लगाइएको असई ठकुरीले बताए ।
यसअघि ०७५ असार ८ गते जिल्लाका विभिन्न स्थानमा तीन वटा बालविवाह रद्ध गरिएको बाल अधिकारको क्षेत्रमा काम गर्दै आएको संस्था रुकुमेली समाज विकास केन्द्रका बाल संरक्षण संयोजक कुबेर केसीले जानकारी दिए । यो सँगै यसवर्ष ३४ वटा बालविवाह रोकिएको उनको भनाई छ ।
मनिषा केसी
सम्बन्धित समाचारहरू
बलात्कार गरेको कसुरमा सात वर्ष कैद सजायको फैसला
१८ वर्षीया युवतीलाई बलात्कार गरेको कसुरमा जिल्ला अदालतले तुलसीपुर उमनपा–१५ का २३ वर्षीय दिपक विश्वकर्मालाई सात वर्ष कैद सजायको फैसला सुनाएको छ । जिल्ला अदालतका न्यायाधीश टिकेन्द्र दाहालको इजलासले माघ…
बलात्कार प्रयास घटनाका आरोपित गिरफ्तार
४१ वर्षीया महिलालाई बलात्कार प्रयास गरेको आरोपमा रोशी गाउँपालिका–१२, भिमखोरीका ५२ वर्षीय आफन्तलाई प्रहरीले ०८१ माघ २४ गते गिरफ्तार गरेको छ । पीडित महिलालाई आरोपितले माघ ८ गते बलात्कार प्रयास…
आगलागीले घर नष्ट भएपछि दलित परिवारको बिचल्ली !
आगलागीले घर नष्ट भएपछि दलित परिवारको बिचल्ली भएको छ । धुर्कोट गाउँपालिका–१, खर्कटोल नयाँगाउँकी अनिता परियारको घर जलेर नष्ट भएपछि दैनिक जीवन कष्टकर बनेको छ । माघ २३ गते साँझ एक्कासी…
बलात्कार घटनाका आरोपित गिरफ्तार
१७ वर्षीया बालिकालाई बलात्कार गरेको आरोपमा प्रहरीले सहीदभूमि गाउँपालिका-६,आँखीसल्लाका ३१ वर्षीय नरेन्द्र राईलाई माघ २४ गते गिरफ्तार गरेको छ । पीडित बालिकालाई आरोपितले ०८१ माघ २ गते बलात्कार गरेको आरोपमा…
केवलकार निर्माण विवाद : माघ २७ गते वार्ता, गिरफ्तारीमा परेका तीन जना रिहा
पाथीभरा(मुकुम्लुङं) क्षेत्रमा केवलकार निर्माणको विषयलाई लिएर आन्दोलनरत पक्षसँग नेपाल सरकारले माघ २२ गते गरेको सहमतिका आधारमा प्रहरीले तीन जनालाई रिहा गरेको छ । पहिचानवादी मोर्चाका ताप्लेजुङ जिल्ला संयोजक तेहृथुमका प्रदीप…