प्रहरीको कुटपिटबाट तीनजना प्रदर्शनकारी घाइते
सुर्खेतको वीरेन्द्रनगरमा जेठ १४ गते प्रहरीको कुटपिट र लाठी प्रहारबाट तीनजना प्रदर्शनकारी घाइते भएका छन् । घाइते हुनेमा हुम्लाको ताजाकोट गाउँपालिका–३ का ३२ वर्षीय टिका शाही, सोही गाउँपालिका–४ डल्लाबाडाका ३७ वर्षीया शुशिला ढकाल र सिमकोट गाउँपालिका छेडेका २१ वर्षीय नितेश खड्का रहेका छन् । प्रदर्शनका क्रममा प्रहरीको लाठी प्रहारबाट घाइते भएका हुन् ।
जेठ १३ गते राति ११ बजे तिनकुने चौकबाट मंगलगढीचौक तर्फ जादैँ गरेको कर्णाली प्रदेश ०२००१ ज ०५७३ नम्बरको जिपमा सोहि दिशाबाट जाँँदै गरेको कर्णाली प्रदेश ०२००२ प ७८७४ नम्वर को मोटरसाईकील बुलबुले गेट अगाडी ठोक्किदा हुम्लाको ताजाकोट गाउँपालिका –१ घर भइ हाल वीरेन्द्रनगर नगरपालिका–११ का ३५ वर्षीय अकबीर खड्काको अस्पताल लैजादैँ गर्दा बाटोमा नै मृत्यु भएको थियो ।
सोही विषयलाई लिएर मृतकका आफन्तहरुले बसपार्क र तीनकुने लगायतका क्षेत्रमा प्रदर्शन गरेका थिए ।
प्रदर्शनकारीले एयरपोर्टचोकमा रहेको प्रहरी बिट तोडफोड गर्नुको साथै केही समय सडक समेत बन्द गराएका थिए । घटनाका विषयमा प्रहरीले तोडमोड गर्न खोजेको पीडित पक्षका आफन्त रत्नप्रसाद शर्मा जैसीले बताउनु भयो । घटनाका दोषीलाई कानुन बमोजिम कारबाही गर्नुपर्ने र पीडितका परिवारलाई न्याय दिलाउने गरी क्षतिपुर्तिको व्यवस्था गर्नुपर्ने आफन्तको माग छ ।
जिल्ला प्रहरी कार्यालयका प्रवक्ता डिएसपी लक्ष्मण बहादुर शाहीले घटनाका विषयमा दुवै पक्षबिच छलफल जारी रहेको बताउनुभएको छ । घटनाका विषयमा थप अनुसन्धान जारी रहेको समेत उहाँले जानकारी दिनुभयो ।
प्रभाकुमारी रावत
सम्बन्धित समाचारहरू
बलात्कार घटनाका आरोपित गिरफ्तार
१४ वर्षीया बालिकालाई बलात्कार गरेको आरोपमा प्रहरीले स्याङ्जा कालिगण्डकी गाउँपालिका– ५ घर भएका ३५ वर्षीय पुरुषलाई असोज १३ गते गिरफ्तार गरेको छ । पीडित बालिकाकालाई आरपितले २०७४ चैत महिनामा बलात्कार…
नेपालगञ्जको स्थिति नियन्त्रणमा लिन सेना परिचालन
हिन्दु र मुस्लीम समुदायबिच भएको तनावलाई नियन्त्रणमा गर्नका लागि नेपाली सेना परिचालन गरिएको छ । अवस्था बिग्रीन नदिन र शान्ति सुरक्षा कायम राख्न सेना परिचालन गरिएको प्रमुख जिल्ला अधिकारी विपिन…
दृष्टिविहिन शिक्षिकाद्वारा गरिएको आमरण अनसनको इन्सेकद्वारा अनुगमन
पहुँचयुक्त र पायक पर्दो विद्यालयमा पदस्थापन र हाजिरीको माग गर्दै २०८० असोज १४ गते देखि आमरण अनसनमा बस्नुभएकी दृष्टिविहिन शिक्षिका शोभा पौडेल को इन्सेक गण्डकी प्रदेश संयोजकको नेतृत्वमा असोज १६…
बलात्कार घटनाको कसुरमा आठ बर्ष कैद
शम्भुनाथ नगरपालिका–७ का ३५ वर्षीय दर्शन भनिने दशन मण्डललाई बालिका बलात्कार गरेको कसुरमा ०८० असोज १५ गते आठ वर्ष कैद सजाय भएको छ । जिल्ला न्यायाधीश हेमन्त रावलको इजलासले आरोपितलाई…
बलात्कार घटनाका आरोपित गिरफ्तार
३१ वर्षीया महिलालाई बलात्कार गरेको आरोपमा गोरखा नगरपालिका–४ फिनामका ४२ वर्षीय गोपाल भन्ने दिपक बहादुर बानियाँलाई प्रहरीले असोज १५ गते गिरफ्तार गरेको छ । बौद्धिक अपाङ्गता भएकी महिलालाई बिवाह गर्छु…
