प्रधानमन्त्रीको चुनावी सभामा नेता, कार्यकर्ताहरू चुनाव चिन्ह अङ्कित पहिरनमा
प्रधानमन्त्री एवम् नेपाली काङ्ग्रेसका सभापति शेरबहादुर देउवासहित प्रमुख नेताहरूले राजविराजमा भदौ २७ गते सम्बोधन गरेको चुनावी सभामा काङ्ग्रेसका नेता, कार्यकर्ताहरू चुनाव चिन्ह अङ्कित भेष्ट, टोपी, गम्छा, झोलासहित सहभागी भएका छन् । कार्यक्रममा वरिष्ठ नेता रामचन्द्र पौडेलसमेत चुनाव चिन्ह अङ्कित गम्छामा सहभागी भएका हुन् ।
चुनावी सभामा सहभागी हुन विभिन्न ठाउँबाट काङ्ग्रेसका कार्यकर्ताहरू चुनाव चिन्हको झण्डासहित मोटरसाइकल र्याली गर्दै पुगेका थिए । प्रम देउवा सरकारी गाडीको लस्करसहित कार्यक्रममा पुगेका थिए ।
प्रधानमन्त्री देउवा, युवा तथा खेलकुद राज्यमन्त्री तेजुलाल चौधरी, सांसदहरू बिमलेन्द्र निधि, सीता यादव, सशाङ्क कोइराला, रमेश लेखक, सुरेन्द्र यादव, सकलदेव सुतिहार, रञ्जित कर्ण लगायतले आफ्ना उम्मेदवारको पक्षमा तथा अन्य दलको विपक्षमा खुलेर मत मागे ।
प्रधानमन्त्री देउवाले काङ्ग्रेसका उम्मेदवारलाई जिताए उम्मेदवारले घोषणा गरेअनुरूप राजविराज र सप्तरीका सम्पूर्ण मागहरू पूरा गर्ने बताउँदै उम्मेदवारले घोषणा गरेको कभर्ड हल, रङ्गशाला, हुलाकी सडक, सिटी हल सरकारले निर्माण गर्ने विश्वास दिलाए ।
उनले भारतसँगको सहकार्यमा कोशी उच्च बाँध निर्माण गरेर मधेसलाई बाढी र डुबानवाट जोगाउने तथा सुनकोशी डार्इभर्सन बनाएर सिंचाई सुविधा उपलब्ध गराउने योजना सुनाए ।
उक्त कार्यक्रमका समयमा सुरक्षा व्यवस्था अत्यन्त कडा पारिएको राजविराजको मुख्य चोकहरूबाट कार्यक्रमस्थलसम्म जाने बाटोहरूबाट सवारी साधान आवागमनमा रोक लगाइएको थियो ।
मनोहरकुमार पोखरेल
सम्बन्धित समाचारहरू
बलात्कार प्रयास घटनाका आरोपित गिरफ्तार
२० वर्षीया महिलालाई बलात्कार प्रयास गरेको आरोपमा प्रहरीले सिराहा जिल्ला लाहान नपा-१० स्थायी घर भई चौतारा साँगाचोकगढी नपा-५ स्थित स्वावलम्बन लघुवित्त कार्यालय चौताराका शाखा प्रमुख ४६ वर्षीय दिपक भूजेललाई असोज…
निषेधित क्षेत्रमा प्रदर्शन गरेको आरोपमा सात जना गिरफ्तार
बानेश्वरस्थित निषेधित क्षेत्र तोकिएको संसद भवन अगाडि प्रदर्शन गरेको आरोपमा प्रहरीले असोज ४ गते सात जनालाई गिरफ्तार गरेको छ । प्रहरी वृत्त गौशालाका इन्स्पेक्टर लोकेन्द्र सिंह गुरुका अनुसार गिरफ्तार पर्नेमा…
बलात्कार घटनाका आरोपित गिरफ्तार
१९ वर्षीया युवतीलाई बलात्कार गरेको आरोपमा प्रहरीले सुनकोशी गाउँपालिका-३ का २३ वर्षीय एक युवकलाई असोज २ गिरफ्तार गरेको छ । पीडित युवतीलाई ०८१ साउन १५ गते बलात्कार गरेको आरोपमा पीडित…
जिल्ला अस्पतालमै छैन निःशुल्क वितरण गर्नुपर्ने ९२ प्रकारका औषधि
जिल्ला सदरमुकाममा रहेको जिल्लास्तरीय बेनी अस्पतालमा निःशुल्क रुपमा वितरण गर्नुपर्ने औषधिाको सहज आपुर्ति नहुँदा सेवाग्राही बिरामी समस्यामा परेका छन् । बेनी अस्पतालको हाताभित्र रहेको अस्पतालले सञ्चालन गरेको निःशुल्क औषधि वितरण…
बर्दिया अस्पतालमा एचडीयु र आइसीयु सेवा सञ्चालन हुन नसक्दा बिरामीलाई सास्ती
बर्दिया अस्पतालमा जनशक्ति अभावले अक्सिजन सहितको उच्चस्तरीय एचडीयु र आइसीयु सेवा सञ्चालन हुन नसक्दा बिरामीलाई सास्ती भएको छ । करिब साढे दुई करोडको लगानीमा बनेको एचडीयु र आइसीयु सेवा जनशक्ति…
