प्रदेश २ मा प्रदेश प्रहरी ऐन पारित

सङ्घीय सरकारले सङ्घीय प्रहरी ऐन नल्याउँदै प्रदेश २ को सरकारले असोज २७ गते प्रदेश प्रहरी ऐन पारित गरेको छ । असोज २७ गतेको प्रदेश सभा बैठकले बहुमतका साथ प्रदेश प्रहरी ऐन पारित गरेको संसद सचिवालयले जनाएको छ ।

बहुमतले पारित गरेको प्रदेश प्रहरी ऐनप्रति नेकपाका प्रदेश सांसदहरूले असन्तुष्टि जनाएका छन् । उनीहरूले सैद्धान्तिक रूपमा प्रदेश प्रहरी ऐन चाहिन्छ भन्ने मान्याता भए पनि आवश्यक छलफल नभएको बताएका छन् ।

प्रदेश प्रहरी ऐन पारित गराउन कांग्रेस, राजपा र सङ्घीय समाजवादी फोरम नेपालका सांसदहरूले सहमति जनाएका थिए । प्रदेश दुईमा भएका १ सय ७ जना सांसदमध्ये ७५ जना सांसद पारित गर्ने पक्षमा रहेका थिए ।


विनोदकुमार रविदास