समाचारहरू

प्रतिनिधिसभा सदस्य र प्रदेशसभा सदस्य निर्वाचन ०७९ को पूर्व सन्ध्यमा माप्य दूधकोशी गाउँपालिका–६ मा नेकपा एमालेका कार्यकर्ता र गठवन्धनका कार्यकर्ताबिच झडप भएको छ ।

झडपमा संलग्न भएको आरोपमा प्रहरीले माप्य दूधकोशी गाउँपालिका–६ वाकुका २८ वर्षीय विशाल राई, २६ वर्षीय विकास राई र २९ वर्षीय सुजन राईलाई मङ्सिर २ गते गिरफ्तार गरेको छ ।

विशाल राई नेकपा एमालेको र विकास र सुजन राई गठवन्धनका कार्यकर्ता रहेको जिल्ला  प्रहरी कार्यालयका इन्स्पेक्टर रामकिशोर शाहले इन्सेक प्रतिनिधिसँगको फोन सम्पर्कमा बताउनु भयो ।

मङ्सिर ३ गते बिहान तीनै जनालाई सम्झाएर रिहा गरेको इन्स्पेक्टर शाहले बताउनु भयो ।

स्थिर समयमा मतदातालाई प्रभावमा आर्थिक प्रलोभनमा पार्दै हिँडेको अवस्थामा दुवै पक्षबिच झडप भएको उनीहरूको आरोप छ ।

अञ्जु कार्की