समाचारहरू

मल्लरानी गाँउपालिका – ४ स्थित  प्रथामिक स्वास्थ्य केन्द्रमा डाक्टर नहुँदा बिरामीहरूलाई उपचारमा समस्या भएको छ ।

एकजना डाक्टरको दरबन्दी रहेको प्रथामिक स्वास्थ्य केन्द्रमा गत वैशाखदेखि डाक्टर नहुँदा बिरामीहरूको उपचारमा समस्या परेको समाजसेवी मनोजकुमार श्रेष्ठले बताउनु भयो ।

सामान्य ज्वरो आउदा पनि डाक्टर नहुँदा जिल्ला अस्पताल बिजुवार पुगेर उपचार गराउनु पर्ने बाधयता रहेको मल्लरानी गाँउपालिका – ४ का सेवाग्राही ४० वर्षीय रामचन्द्र केसीले बताउनु भयो ।

एकजना डाक्टरको दरवन्दी रहेकोमा  कार्यरत डाक्टर पाँच महिना अघि अध्ययनको लागि कार्यालयबाट गएपछि डाक्टर पठाउन सम्बन्धित निकायमा पत्राचार गरेको र डाक्टर ल्याउने प्रयास भइरहेको मल्लरानी गाउँपालिका स्वास्थ्य संयोजक पारस शाहीले बताउनु भयो ।

डाक्टर नहुनु र बिरामीहरूको चाप बढी भएकोले उपचारमा समस्या भएको स्वास्थ्य केन्द्रका निमित्त इन्चार्ज केशव श्रेष्ठले बताउनु भयो ।

लामो समयसम्म डाक्टर नभएको विषयमा आफूहरू गम्भीर भएको र डाक्टर ल्याउनका लागि  प्रदेश र संघीय सरकार अन्र्तगतका निकायमा पहल गरिरहेको गाउँपालिका अध्यक्ष कृष्णबहादुर खड्काले बताउनु भयो ।

रविन्द्र पाण्डे