प्रतिबन्धित नेकपाले आहृवान गरेको बन्दको दिन कार र ट्रकमा आगजनी

नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टीले साउन १५ गते आहृवान गरेको नेपाल बन्दको अघिल्लो दिन १४ गते मध्यरातमा अज्ञात पक्षबाट मकवानपुरको उत्तरी क्षेत्र स्थित इन्द्रसरोबर गाउँपालिका-५ फलेखको हुमानेमा बा १४ च ८२३४ नम्बरको कारमा आगजनी गरिएको छ ।

त्यसैगरी नेपाल बन्द कै दिन मनहरी गाउँपालिका-९ ज्यामिरे खरङ्गामा बिहान करिब ४ बजेको समयमा अज्ञात पक्षबाट बा ५ ख १७३९ नम्बरको ट्रकमा पनि आगजनी गरिएको जिल्ला प्रहरी कार्यालय मकवानपुरका एसपी मुकेशकुमार सिंहले बताए ।

सर्वसाधारणमा त्रास फैलाउनका लागि हेटौँडाको थानाभर्‍याङ्, चौकीटोल र हुप्राचौर क्विक २० पार्टी प्यालेसलगायतका स्थानहरूमा राखिएको शङ्कास्पद वस्तु नेपाली सेनाको बम डिस्पोजल टोलीले निष्कृय पारेको एसपी सिंहले बताए ।

1

1


पुष्पराज अधिकारी