प्रतिबन्धित नेकपाद्वारा विभिन्न स्थानीय तहमा तालाबन्दी
नेत्र विक्रम चन्द (विप्लव) नेतृत्वको नेकपाले जाजरकोट जिल्लाका पाँचओटा स्थानीय तहमध्ये दुई ओटा नगरपालिका, एउटा गाउँपालिका कार्यालय र यिनै स्थानीय तहका आठ ओटा वडा कार्यालयहरूमा असार २२ गते राति ताला लगाएको छ ।
छेडागाड नगरपालिका, नलगाड नगरपालिका र बारेकोट गाउँपालिकाको प्रमुख प्रशासकीय अधिकृतको कार्यकक्षमा ताला लगाएको सम्बन्धित कार्यालयले जनाएका छन् ।
भेरी नगरपालिका वडा नम्बर १ को वडा कार्यालय, नलगाड नगरपालिकाको वडा नम्बर ३, ५ ८ ११ र १२ नम्बर वडा कार्यालय, कुशे गाउँपालिकाको ८ नम्बर वडा कार्यालय र छेडागाड नगरपालिकाको १३ नम्बर वडा कार्यालयमा समेत सो पार्टीका कार्यकर्ताहरूले तालाबन्दी गरेको स्थानीय जनप्रतिनिधीले जानकारी दिएका छन् ।
कार्यालय समय पश्चात् कार्यालय सहयोगीले लगाएको तालासँगै सो पार्टीका कार्यकर्ताहरूले ताला लगाएको छेडागाड नगरपालिकाका निमित्त प्रमुख प्रशासकीय अधिकृत झलक केसीले बताए । उनले कार्यालयमा ताला लगाउनुका साथै सो पार्टीको पर्चा टाँसिएको अवस्थामा भेटिएको बताए ।
स्थानीय तहका विभिन्न वडा तथा गाउँपालिका र नगरपालिकामा ताला लगाइएको भएपनि अन्य कुनै प्रकारको क्षति भने नभएको सम्बन्धित स्थानीय तहले जानकारी दिएका छन् । तालाबन्दीसँगै सो पार्टीको पर्चा समेत टाँसिएको छ ।
केही स्थानमा ताला फुटाइसकिएको र केही स्थानमा ताला फुटाउनका लागि प्रहरी परिचालन गरिएको जिल्ला प्रहरी कार्यालय, जाजरकोटका इन्स्पेक्टर केशरबहादुर कार्कीले बताए ।
केही दिनअघि नेत्रविक्रम चन्द (विप्लव) नेतृत्वको प्रतिबन्धित नेकपाले बारेकोट गाउँपालिकाका अध्यक्षको कार्यकक्षको मुल ढोकामा राखेको सुतली बम नेपाली सेनाले निष्कृय पारेको थियो ।
दिनेशकुमार श्रेष्ठ
सम्बन्धित समाचारहरू
हत्या घटनाका आरोपित नन्देभाइ गिरफ्तार
माडी नपा-७ देवेन्द्रपुरकी ७१ वर्षीया विष्णुमाया रानाभाटलाई खुर्पा प्रहार गरी हत्या गरेको आरोपमा प्रहरीले माडी नपा-७ का ६२ वर्षीय नन्देभाइ (नन्दका पति) टीकाराम रानाभाटलाई असोज २६ गते गिरफ्तार गरेको छ…
बलात्कार घटनाका आरोपित गिरफ्तार
अपाङ्गता हुनुभएकी १९ वर्षीया युवतीलाई बलात्कार गरेको आरोपमा चामुण्डाबिन्द्रासैनी नगरपालिका–५, जम्बुकाँधका २१ वर्षीय रमेश सावदलाई प्रहरीले ०८१ असोज २७ गते गिरफ्तार गरेको छ । पीडित युवतीलाई आरोपितले असोज २३ गते…
कोशी प्रदेशमा रहेका अधिकांश बर्थिङ्ग सेण्टर प्रभावकारी छैनन्
बर्थिङ्ग सेण्टर सञ्चालनका लागि प्रसूति गर्ने तालिम प्राप्त कर्मचारीलाई आवासीय व्यवस्थादेखि उपकरणहरु सबै उपलब्ध हुनु पर्छ । तर, कोशी प्रदेशका विभिन्न जिल्लामा रहेका बर्थिङ्ग सेण्टर सुविधा सम्पन्न र प्रभावकारी नभएको…
ज्येष्ठ नागरिकहरू सामाजिक सुरक्षा भत्ताबाट वञ्चित
स्थानीय सरकार सञ्चालन ऐन, २०७४ मा ज्येष्ठ नागरिकहरूको सहारा र गरिबी निवारणका लागि सामाजिक सुरक्षा र गरिबी निवारण सम्बन्धी स्थानीय सामाजिक सुरक्षा योजना र व्यवस्थापनको सुनिश्चित गरिएको छ । तर,…
कोशी प्रदेशका कारागारमा क्षमताभन्दा बढी कैदीबन्दी, सुधारगृह हुन सकेनन् कारागार
अदालत वा न्याय निरूपण गर्ने निकायबाट कसुरदार ठहर भएका व्यक्तिहरूलाई सजायसँगै सुधारका लागि राज्यले कारागारलाई सुधारगृह भनेपनि कोशी प्रदेशका अधिकांश जिल्लाका कारागार सुधारगृहका रूपमा रूपान्तरण हुन सकेका छैनन् । कारागारमा…
