समाचारहरू

नेत्रविक्रम चन्द(विप्लव) नेतृत्वको प्रतिबन्धित नेपाल कम्युनिष्ट पार्टीको कार्यकर्ता भएको आरोपमा प्रहरीले सोलुखुम्बु, सोताङ गाउँपालिका–४ का २२ वर्षीय बागध्वज भनिने केवी तामाङलाई मङ्सिर ३० गते हतियारसहित गिरफ्तार गरेको  छ ।

साकेला गाउँपालिका–१ बाँझेच्यानडाँडाको सेखुवास्थित खलेबारी जङ्गलमा टेन्ट टाँगेर सेल्टर लिइरहेको अवस्थामा नेपाल प्रहरी र शसस्त्र प्रहरीको संयुक्त टोलीले तामाङलाई गिरफ्तार गरेको जिल्ला प्रहरी कार्यालयका डिएसपी नारायणप्रसाद चिमोरियाले बताउनु भयो ।

प्रतिबन्धित पार्टीका कार्यकर्ता जङ्गलमा सेल्टर बनाएको सूचनाका आधारमा छापा मार्दा एक नाल भरूवा बन्दुक, पेस्तोल तथा राईफलको ७३ राउण्ड गोली, प्रयोगमा ल्याइसकिएको १७ थान खुला सीम कार्ड, प्रयोगमा ल्याउन बाँकी रहेका १२ थान सीम कार्ड, झोला चार थान र कम्मरमा बाँध्ने झोला दुई थान लगायतका बन्दोवस्तीका सामान नियन्त्रणमा लिएको डिएसपी चिमोरियाले बताउनु भयो ।

तामाङको स्वास्थ्य परीक्षण जिल्ला अस्पतालमा पुस १ गते गरिएको छ ।

रामधन राई