समाचारहरू

माइतीघरमा पैदल हिँडेका पहिलो न्यूज डटकमका कार्यकारी सम्पादक मोहन बास्तोला र त्रिभूवन विमानस्थलमा समाचार सङ्कलनका लागि पुगेका खबर डबली डटकमका सहसम्पादक लोकराज जैशीलाई प्रहरीले कात्तिक १७ गते गिरफ्तार गरेको छ ।

प्रेस चौतारी नेपालका केन्द्रीय अध्यक्ष गणेश बस्नेत प्रहरी कार्यालय पुगेर पत्रकार बाँस्तोलालाई रिहा गर्न पहल गरेपछि प्रहरीले बस्नेतको जिम्मा लगाएर पठाएको बताइएको छ । ‘फिल्डमा खटिएका प्रहरीको कमजोरीका कारण भुलवस उहाँ गिरफ्तारीमा पर्नुभएको महानगरीय प्रहरी वृत्त सिंहदरवारका डिएसपी मनोहर भट्टले भन्नुभयो ।’–अध्यक्ष बस्नेतले भने । तर, जैशीलाई भने साँझसम्म रिहा गरिएको छैन ।

भारतीय राष्ट्रपति प्रणव मुखर्जीको नेपाल भ्रमणको समाचार सङ्कलनका लागि त्रिभूवन विमानस्थल पुगेका खबर डबली अनलाइनका सहसम्पादक जैसीलाई प्रहरीले गिरफ्तार गरेको छ । समाचार सङ्कलनका क्रममा प्रहरीले अभद्र व्यवहार गरी गिरफ्तार गरेको क्रान्तिकारी पत्रकार महासङ्घले जनाएको छ ।

अनलाइन डेस्क