समाचारहरू

प्रतिनिधिसभा र प्रदेशसभा सदस्य निर्वाचनको मत गणना ०७९ मङ्सिर १५ गते राति साँढे ९ बजेबाट सुरु भएको छ ।

देशभरझै दोलखामा पनि गत मङ्सिर ४ गतेनै निर्वाचन सम्पन्न भए पनि नेकपा एमाले दोलखाको मागपछि चारम ओटा मतदानस्थलको १० ओटा बुथमा मतगणना सुरू गरिएको हो । गौरीशकर गाउँपालिकाको वडा नम्बर ३ झ्याकु मतदान स्थलको मतगणना सुरुवात भएको छ ।

सत्ता गठबन्धनको तर्फबाट प्रतिनिधिसभा सदस्यका लागि माओवादी केन्द्रका पोलिटव्युरो सदस्य गंगा कार्की र एमालेबाट बालकृष्ण शिवाकोटी उम्मेदवार छन् । स्वतन्त्र लगायत अन्य दलका गरी २१ जना उम्मेदवारहरू पनि चुनावी मैदानमा रहे पनि विशेषगरी दोलखामा गठबन्धन र एमालेका उम्मेदवारबीच प्रतिस्पर्धा हुनेछ ।

यस्तै, प्रदेशसभातर्फ क्षेत्र नम्बर १ मा गठबन्धनबाट नेपाली कांग्रेसका कुण्दनराज काफ्ले र नेकपा एमालेका नरबहादुर श्रेष्ठ तथा क्षेत्र २ मा सत्ता गठबन्धनबाट कांग्रेसका बर्मा लामा र एमालेका भरत केसीबीच प्रतिस्पर्धा हुँदैछ । जिल्लामा प्रतिनिधिसभा र प्रदेशसभा सदस्यका लागि ५२ जना उम्मेदवार बनेका छन् ।

उद्धव पोखरेल