समाचारहरू

पुर्बिचौकी गाउँपालिका–३ गैरागाउँका भूकम्प पीडितहरु पुनस्र्थापना र राहतको पखाइमा रहेका छन् । भूकम्पका कारण घर भत्तिएपछि पीडित परिवारहरु खुल्ला चौरमा रात बिताउन बाध्य भएका छन् ।भूकम्पपछि पराकम्पन गइरहेकाले पीडितहरुलाई थप त्रास बढेको स्थानीय भूकम्प पीडित भरत बोहराले बताउनु भयो ।

जाडोको बेला आगो तापेर रात बिताउनु पर्दा सरकारी निकायहरुले आफूहरुको व्यवास्था गरेको उहाँले गुनासो गर्नु भयो । उहाँका अनुसार नेपाल रेडक्रस सोसाइटी, डोटी शाखाले २० ओटा त्रिपाल उपलब्ध गराए पनि त्यो अपुग रहेको छ ।

बस्नलाई घर छैन् । पकाउनलाई भाडा छैन् । हामा्रे पिडा कस्ले सुन्ने ? न्यानो कपडा अभावले बालबालिका तथा ज्येष्ठ नागरिकहरु चिसोले कठङग्रिने गरेको भूकम्प पीडित खडकबहादुर बोहराले गुनासो गर्नु भयो ।

तत्कालका लागि अस्थायी रुपमा भएपनि सरकारले टहराको व्यवस्था गरि दिन भूकम्प पीडितहरुले माग गर्नु भएको छ ।  खेतबारीमा पाकेका धान र कोदो टिप्न समेत नपाउँदा जङ्गली जनावर बदेल, बादरले खान थालेको पीडितहरुको गुनासो छ ।

विपद व्यवस्थापन समितिका संयोजक तथा प्रमुख जिल्ला अधिकारी कल्पना श्रेष्ठले गृह मन्त्रालयबाट त्रिपाल कम्बल र कात्तिक २३ गते विहान २ बजे १२ मिनेटमा खप्तड राष्ट्रिय निकुञ्ज केन्द्रबिन्दु बनाएर गएको ६‍.६ रेक्टर स्केलको भूकम्पमा परी गैरागाउँका ६ जनाको मृत्यु भएको थियो भने पाँच जना घाइते भएका थिए । भूकम्पबाट  आठ घरमा पुर्ण रुपमा क्षति भएको थियो ।

गणेश जोशी