समाचारहरू

कथित बोक्सी आरोपमा कुटिएकी सिद्धलेक गाउँपालिका–२ बिसटारी की ४७ वर्षीया हिरादेवी सिलवाललाई अनौपचारिक क्षेत्र सेवा केन्द्र (इन्सेक) ले ०७९ माघ १३ गते सहयोग नगद उपलब्ध गराएको छ ।

इन्सेकको पीडित सहायता अन्तर्गत उपचार र न्यायिक उपचारका लागि इन्सेक प्रतिनिधि सीताराम अधिकारी मार्फत १० हजार नगद सहयोग गरिएको हो ।

पीडितकी पति ५० वर्षीय बिरबहादुर सिलवाल, छोरीहरू २७ वर्षीय सीता सिलवाल, २४ वर्षीय सिर्जना सिलवालले पुस १७ गते बिहान बोक्सी बुढी भनेर कुटपिट गरेको र आफू घाइते अवस्थामा भागेर ज्यान जोगाएको पीडितको धादिङ अस्पतालमा पुस २४ गते इन्सेकको पहलमा उपचार भयो ।

पीडित महिला उपचारपछि माईती घर बस्दै आउनुभएको थियोे । पीडितले आफूलाई स्थानीय वडा अध्यक्ष र गाउँपालिका उपाध्यक्षले गाउँमा मिलापत्र गर्न दवाव दिएको समेत बताउनुभयो ।

सहयोगपछि उपचारका लागि लागेको खर्च गर्न सहज भएको पीडितको भनाइ छ ।

सीताराम अधिकारी