समाचारहरू

मटिहानी नगरपालिका–१ धिरापुरका मृतक आमना खातुनको परिवारलाई ०८० कात्तिक २५ गते अनौपचारिक क्षेत्र सेवा केन्द्र (इन्सेक) अन्तर्गत रहेको मानव अधिकार सहायता कक्षद्वारा आर्थिक सहयोग प्रदान गरिएको छ ।

बलात्कार पश्चात अमानवीय तरिकाले हत्या गरिएका मृतक खातुनको परिवारको आर्थिक अवस्था कम्जोर भएको हुनाले मानव अधिकारकर्मीहरूको उपस्थितिमा अनौपचारीक क्षेत्र सेवा केन्द्र (इन्सेक) मधेस प्रदेशका संयोजक राजु पासवानले र मृतक खातुनको ससुरा नथुनी अन्सारीलाई नगद ८ हजार रुपियाँ हस्तान्तरण गर्नु भयो ।

मृतक अन्सारीका ५ जना छोराछोरीहरू छन् । ती मध्ये दुई जना छोराहरू पढाई छाडी भारतमा काम गर्न बाध्य भएका छन् भने दुई जना गाउँमा हजुरबुबा हजुरआमासँग बसेका छन् । पीडित परिवारलाई न्यायीक प्रक्रियामा जान तथा नाती नतिनाको पठन पाठनमा सहयोग पुग्ने उद्देश्यले मानव अधिकार सहायता कक्षले आर्थिक सहयोग प्रदान गरेको इन्सेक मधेस प्रदेशका संयोजक राजु पासवानले बताउनु भयो । सन २०२३ को हालसम्ममा आठ जना पीडित परिवारलाई आर्थिक सहयोग प्रदान गरिएको पासवानले बतउनु भयो ।

मृतक आमना खातुन ०७९ असाेज ७ गते दिउँसाे घाँस काट्न गाउँ नजिकैको चौरमा गएको समयमा सोही ठाउँका २६ वर्षीय मोजाहिद अन्सारी र २२ वर्षीय तौसीन अन्सारीले बलात्कार पश्चात पेचकषले पुरै शरीरमा घाेचेर अमानवीय तरिकाले हत्या  गर्गनुका साथै मृतकको गरगहान समेत लुटेर फरार भएका थिए । मधेस प्रदेश प्रहरी कार्यालय जनकपुर र जिलला प्रहरी कार्यालय महोत्तरीबाट खटेका संयुक्त टोलीले ०७९ असाेज ९ गते आरोपितहरुलाई गीरफ्तार गरेको थियो ।

मृतकका ससुरा नथुनी अन्सारीले असाेज १८ गते जिल्ला प्रहरी कार्यालय महोत्तरीमा उजुरी दार्ता गराएका थिए । आरोपीतहरु हल पुर्पक्षका लागी थुनामा रहेको छन् ।

ममता विश्वकर्मा