समाचारहरू

मिथिला नगरपालिका—९ स्थित न्यू होराइजन इड्गलिस बोर्डिङ्ग स्कुलमा कक्षा एकमा अध्ययनरत ६ वर्षीय सुजल कुशवाहालाई साउन १५ गते सोही स्कुलका शिक्षक मोहन महतोले कुटपिट गरेको छ ।

छोरा सुजललाई बिहान ९ बजे टिफिनको समयमा धारामा पानी पिउन गएको र लाइनमा बसेर पानी पिउनु पर्ने हुँदा कक्षा कोठामा आउन ढिलो भएको भन्दै शिक्षक महतोले कुटपिट गरेको बालकको बुबा ओमविक्रम कुशवाहाले बताउनु भयो ।

शिक्षक महतोबाट ९ बजे बिहानै कुटिएको छोरा सुजल १२ः३० बजे घर रुदै आएर आफूलाई शिक्षक महतोले कुटेको आमालाई सुनाएको पीडित बालकको बुबा ओम बिक्रमले जानकारी दिए । शिक्षक महतोको कुटपिटबाट सुजनको पिठ्यू, हात र घाँटीमा चोट लागेको छ ।

आरोपित शिक्षक विरुद्ध उजुरी नदिएको तर आफूले न्याय पाउनु पर्ने र सोको लागि पहल गरिदिन इन्सेक प्रतिनिधिसँगको कुराकानीमा बालकको बुवा ओम बिक्रमले आग्रह गर्नु भएको छ ।

इन्सेक मधेस प्रदेश कार्यालय, जनकपुरधाम