समाचारहरू

पानी नपरेर बाली सुक्न थालेपछि रुकुम पश्चिमका अधिकांश किसान मर्कामा परेका छन् । कृषि पेशाबाट आत्मनिर्भरलाई नागरिकलाई जिविकोपार्जनमा समस्या हुने भएको छ । आकासे पानीको भरका हिउँदे खेती गरेका किसानले लगाएको खेती बारीमै सुक्न थालेपछि रुकुम पश्चिमका किसान चिन्तित भएका छन् ।

कृषि र ज्यालामजदुरीबाट विहान बेलुकाको छाक टारेका नागरिकले लगाएको अन्नबालीले पानी नपाएपछि परिवारलाई खानाको जोहो कसरी गर्ने भन्ने चिन्तामा परेका छन् । आठबीसकोट नगरपालिका–९ का दिपक शाहीले आकासेपानीको भरमा खेती गरेका किसानले लगाएको हिउँदे बालीले पानी नपाएपछि सुख्खा खडेरीका कारण सुक्न थालेको बताउनु भयो ।

गतवर्षको भूकम्पले क्षति गरेपछि बाँस, गाँसको पीडामा परेका नागरिक यसवर्ष खेती सप्रिय खाना पाउने आशा गरि पर्खि बसेका समुदाय हिउदे बाली लगाएदेखि पानी नपरेका कारण भोकमरी पर्ने भएको छ । मानो छरी मुरी फलाउन छरेको अन्नवाली सुख्खा खडेरीले बारीमै सुकेपछि विहान बेलुकाको छाक कसरी जुटाउने भन्ने चिन्ता बढ्दै गएको छ ।

गतबर्ष भूकम्पले घरवारविहिन बनायो यसबर्ष सुख्खा खडेरीले भोगमारी पार्ने भयो । सरकारले खाद्यय सुरक्षाको हकको व्यवस्था गरेपनी उपलब्ध गर्न नसकेको आठबीसकोट नगरपालिका-९ का कपिल शर्माले बताउनु भयो । कृषि र ज्यालामजदुरी गरि जीवन निर्वाह गरेका नागरिकलाई समस्या हुने भएको छ । सरकारले समयमा खाद्ययको व्यवस्थापन नगरे नागरिकको रोग भन्दा भोकले ज्यान जाने बताउनु भयो । उहाँले हिमालमा हिउँ पहाडमा पानी नपरी तिन महिना बिते । गरिब, दलित, बिपन्न आर्थिक अवस्था कमजोर भएका व्यक्ति ज्यालामजदुरी र कृषि पेशाबाट आत्मनिर्भर नागरिकको विहान बेलुकाको छाक टार्न मुश्किल हुने बताउनु भयो । सरकारले समयमा खाद्ययको व्यवस्थापन खाद्यय डिपोमा मौज्दात राख्नु पर्ने उहाँको भनाइ छ । यस बेलाको सुख्खा खडेरीले हिमाली र पहाडी क्षेत्रमा बसोवास गर्ने नागरिकलाई खाद्य सङ्कट पर्ने बताउनु भयो ।

बासुदेव शर्मा