समाचारहरू

फालेलुङ गाउँपालिका-५ डाँडागाउँमा भएको विष्फोटमा घाइते भएका १२ वर्षीय बालक दिप्सन राईको उपचारका क्रममा अस्पतालमा मृत्यु भएको प्रहरीले जनाएको छ ।

झापाको विर्तामोडस्थित वि एण्ड सी अस्पतालमा उपचारका क्रममा दिप्सनको भदौ १३ गते मृत्यु भएको प्रहरीले जनाएको छ ।

विष्फोटमा परी घाइते भएका चार जनामध्ये एक बालक र एक बालिकाको मृत्यु भएको जिल्ला प्रहरी कार्यालयका डिएसपी हेमन्त भण्डारीले बताउनु भयो ।

फालेलुङ गाउँपालिका-५ का दिलिप सावाका १२ वर्षीय छोरा दिप्सनको उपचारका क्रममा वि एण्ड सी अस्पताल, झापा र अढाई वर्षीया छोरी प्रिन्साको उपचारका लागि झापा लैजाने क्रममा इलाममा बाटोमै मृत्यु भएको डिएसपी भण्डारीले बताउनु भयो ।

विष्फोटमा घाइते भएका ११ वर्षीय बालक पवन राईको जिल्ला अस्पताल उपचार भइरेहको डिएसपी भण्डारीले बताउनु भयो । दीपक राईका सात वर्षीय छोरा दिप्सन राईको फालेलुङ गाउँपालिका-५ स्थित प्राङबुङ स्वास्थ्य चौकीमा उपचारपछि घर पठाइएको छ ।

फालेलुङ गाउँपालिका-५ डाँडागाँउमा ०८१ भदौ १३ गते भएको विष्फोट होममेड ग्रिनेड भएको प्रहरीले जनाएको छ । होममेड ग्रिनेट विष्फोट भएको हो वा होइन भन्ने स्वतन्त्र पुष्टि हुन बाँकी छ ।

नेपाली सेनाको टोलीले भदौ १४ गते घटनास्थलमा पुगेको छ । सेनाले थप एउटा शंकास्पद वस्तु फेला पारेको र घटनाका विषयमा अनुसन्धान थालेको प्रहरीले जनाएको छ ।

इवारा जवेगु लिम्बू