समाचारहरू

बुद्धसिंह मार्गस्थित बन्दीपुर गाउँपालिका–६ ढापमा पहिरो जाँदा उक्त मार्ग एक सातादेखि पूर्ण रूपमा अवरुद्ध छ । गत साता गएको पहिरोले उक्त मार्ग पुर्णरुपमा अवरुद्ध हुँदा सर्वसाधरण मारमा परेका छन् ।

उक्त मार्गको ढापसहित अन्य स्थानमा पनि पहिरो गएको स्थानीय सेतीगङ्गा आधारभुत विद्यालयका प्रधानाध्यापक सिद्धान्त गर्जामगरले बताउनु भयो । पहिरोले सवारीसाधन सञ्चालन नहुँदा बन्दिपुर गाउँपालिकाको वडा नम्बर ६ को खहरे, देवघाट गाउँपालिका र आबुँखैरेनी गाउँपालिकाका केही वडाका सर्वसाधरण मारमा परेको गर्जामगरले बताउनु भयो । उहाँले यो मार्ग बन्द हुँदा यहाँका सर्वसाधारण स्वास्थ्य र शिक्षाको अधिकारबाट वञ्चितसमेत भएका छन् ।

‘एक सातादेखि बाटो अवरुद्ध भएर सवारीसाधन सञ्चालन नहुँदा यस भेगका सर्वसाधारणलाई आवतजावतमा समस्या भएको छ ।’-गर्जामगरले भन्नु भयो-‘पहिरोको समस्या हरेक वर्ष वर्षातको समयमा हुन्छ ।’

पहिरोको कारण यातयात सञ्चालन नहुँदा बिरामी परेका व्यक्तिहरू, ज्येष्ठ नागरिक र बालबालिका मारमा परेको उहाँले बताउनु भयो । पहिरोले विद्यालय जाने बालबालिकाहरु पनि मारेमा परेका छन् ।

प्रकाशचन्द्र भट्टराई