समाचारहरू

खप्तडछान्ना गाउँपालिका–७ गोरखाली निवासी नेपाल पत्रकार महासंघ, बझाङ शाखाका अध्यक्ष ३३ वर्षीय ललितबहादुर सिंहमाथि ०८१ माघ २८ गते राति धारिलो हतियार प्रहार गरी घाइते बनाएको आरोपमा प्रहरीले मष्टा गाउँपालिका–४ का २६ वर्षीय विनोद कठायत, मष्टा गाउँपालिका–२ का २८ वर्षीय नरेश द्वाल र मष्टा गाउँपालिका– १ का २७ वर्षीय शितल कठायतलाई माघ २८ गते रातिनै गिरफ्तार गरेको छ ।

राति १० बजेको समयमा कोठामा गइरहेको अवस्थामा आरोपितहरुले आफूमाथि चक्कु प्रहार गरी घाइते बनाएको र कुटपिट समेत गरेको पीडित पत्रकार सिंहले बताउनु भयो ।

चक्कु प्रहार र कुटपिटबाट आँखा, टाउँको र हातमा चोट लागेर घाइते भएका पत्रकार सिंहको स्वास्थ्य उपचार जिल्ला अस्पताल, बझाङमा गरिएको छ ।

घटनामा संलग्न आरोपितहरुलाई गिरफ्तार गरेर ज्यान मार्ने उद्योग अन्तर्गत जिल्ला अदालतमा मुद्दा दर्ता गरी अनुसन्धान भइरहेको जिल्ला प्रहरी कार्यालय, बझाङका इन्स्पेक्टर लोकेन्द्र ठगुन्नाले बताउनु भयो ।

पत्रकार माहासंघ, बझाङका अध्यक्ष सिंहको ज्यान मार्ने उद्धेश्यले गरिएको आक्रमणको निन्दा गर्दै घटनामा संलग्नहरुलाई कारबाहीको मागराखि माघ २९ गते पत्रकार महासंघ, बझाङ र श्रमजीवी पत्रकार संघ, बझाङले प्रेश विज्ञप्ति समेत जारी गरेका छन् ।

 

सत्यराज सिंह