समाचारहरू

गजुरी गाउँपालिका-१ निवासी नेपाल पत्रकार महासङ्घ धादिङका सदस्य तथा ग्यालेक्सी फोरके टेलिभिजनका संवाददाता ३४ वर्षीय विकास रौनियारलाई अवैध बालुवा उद्योगको समाचार र भिडियो खिचेको भनि कुटपिट गरेको आरोपमा सोही ठाउँका ३० वर्षीय दिनेश भण्डारी र ३० वर्षीय रोशन गुरुङविरुद्ध रौनियारले ०७९ चैत १२ गते प्रहरीमा उजुरी दिनुभएको छ ।

घरमा बसेको समयमा गजुरी गाउँपालिका-१ गजुरी बजारमा बोलाएर सोही ठाउँका ३० वर्षीय दिनेश भण्डारी र ३० वर्षीय रोशन गुरुङले कुटपिट गरी रौनियार घाइते भएका हुन् ।

घटनामा संलग्न आरोपितहरूलाई प्रहरीले चैत ११ गते गिरफ्तार गरेको ईलाका प्रहरी कार्यालय गजुरीका दिपेन्द्र कुँवरले जानकारी दिनुभयो । आरोपितविरुद्ध अभद्र व्यवहार अन्तर्गत मुद्दा दर्ता गरिएको कुँवरले बताउनुभयो ।

घाइते पत्रकार रौनियारको गजुरी प्राथमिक स्वास्थ्य केन्द्रमा उपचार भइरहेको छ ।

घटनामा संलग्नहरूलाई कारबाहीको माग गर्दै नेपाल पत्रकार महासङ्घ धादिङले प्रेस विज्ञप्ति प्रकाशन गर्दै पत्रकारको मर्यादित पेशा प्रति सम्मान गर्न सचेत गराउँदै पत्रकारलाई निर्वाध र सुरक्षित रुपमा समाचार सङ्कलन, प्रकाशन र प्रशारण गर्ने वातावरण निर्माण गर्न सम्बन्धित निकायसँग माग गरेको छ ।

सीताराम अधिकारी