समाचारहरू

नेपाल पत्रकार महासङ्घका सदस्य तथा इलाका खबरका सम्पादक बागलुङ नगरपालिका–८ सिगानाका ३५ वर्षीय पत्रकार सुर्यबहादुर विश्वकर्मालाई मार्ने धम्की आएको भन्दै पीडितले असोज ४ गते जिल्ला प्रहरी कार्यालयमा उजुरी दिनु भएको छ ।

गणेश नामक फेसबुकबाट पीडित पत्रकार र उहाँकी २४ वर्षीया पत्नी मुना बिक पुन, चार वर्षीया छोरी यानुषा र एक वर्षीय छोरा समुन्नतलाई मार्ने धम्कीदिएको पीडितले आरोप लगाउनु भयो ।

नेपाल पत्रकार महासङ्घ बागलुङ शाखाले असोज ५ गते प्रेस विज्ञप्ति जारी गर्दै सो घटनाप्रति गम्भीर ध्यानाकर्षण भएको जनाएको छ ।

विकलाई मार्ने धम्की आएपछि जिल्ला प्रहरी कार्यालय बागलुङ र जिल्ला प्रशासन कार्यालय बागलुङमा असोज ४ गते लिखित उजुरी दिएको र पटकपटक छलफल गर्दा समेत दोषी पत्ता नलागेको भन्दै निर्वाध रूपमा पत्रकारिता गर्ने कार्यलाई निरुत्साहित गर्ने गरी पत्रकारमाथि आएको धम्कीलाई गम्भिरतापुर्वक लिन आग्रह गरिएको छ ।

सिर्जना पन्त