पत्नी हत्या घटनाका आरोपित गिरफ्तार

बाँसगढी नपा-७ बभनपुरुवाकी ३० वर्षीया छोटकनी यादवको आरोपमा ३२ वर्षीय दशरथ यादवलाई जेठ १६ गते गिरफ्तार गरेको छ ।

घटनापछि फरार रहेका आरोपितलाई नेपालसँग नजिकको भारतको मैतिहिनी गाउँमा लुकिछिपि रहेको अवस्थामा प्रहरीले भारततर्फसमन्वय गरी गिरफ्तार गरेको प्रहरीले जनाएको छ ।

पीडित पक्षले घटनाका आरोपितविरूद्ध जेठ १५ गते उजुरी दर्ता गराएको थियो । आरोपित दशरथलाई गिरफ्तार गरी कानुनी रूपमा अनुसन्धान अगाडि बढाएको इलाका प्रहरी कार्यालय बाँसगढीका र्सइ रविलाल अस्लामीले बताए ।

प्रहरीले दशरथका बुवा ५५ वर्षीय मिहिलाल यादव, २४ वर्षीय माइला भाइ लगेश्वर यादव र ४० वर्षीय भिनाजु प्यारेलाल यादवलाई पनि अनुसन्धानको लागि जेठ १५ गते गिरफ्तार गरेको प्रहरीले जनाएको छ ।

आरोपितले कुटपिट गरी गम्भीर घाइते भएकी छोटकनीको उपचार बाँकेस्थित मेडिकल कलेज कोहलपुरमा जेठ १४ गते उपचारको क्रममा मृत्यु भएको हो । यादव परम्परा अनुसार उनको दहासंस्कार गरिएको छ । छोटकनीको पोष्टमार्टम जेठ १४ गते नै भेरी अस्पताल नेपालगञ्जमा गरिएको छ ।

पतिले कुटपिट गरी घाइते भएपछि छोटकनीका माइतीले उनलाई उपचारका लागि कोहलपुर मेडिकल कलेजमा उपचारको लागि जेठ ७ गते भर्ना गरेका थिए ।

घरायसी विषयमा विवाद हुँदा पतिले जेठ ७ गते कुटपिट गरेको आरोपमा माइती पक्षबाट पतिविरूद्ध प्रहरीमा उजुरी दर्ता गरेको छोटकनीका जेठाजु लेखराज यादवले बताए ।

पीडित पक्षले आरोपित दशरथलाई कानुनी कारबाहीको मागगर्दै पीडित पक्षले जेठ ९ गते इलाका प्रहरी कार्यालय बाँसगढीमा उजुरी दिएको थियो ।


मानबहादुर चौधरी