पत्नी हत्या घटनाका आरोपित गिरफ्तार

  ०८१ पुस २६ गते

शुक्लागन्डकी नपा–१ काटेपिपलकी ४१ वर्षीया पार्वती बिकलाई अचानोले टाउकोमा प्रहार गरी हत्या गरेको आरोपमा प्रहरीले ५२ वर्षीय पति डिलबहादुर सुनारलाई पुस २६ गते गिरफ्तार गरेको छ ।

पार्वतीलाई सुनारले सामान्य घरायसी विवादको क्रममा हत्या गरेको इलाका प्रहरी कार्यालय बेलचौताराका इन्स्पेक्टर पोषण थापाले बताउनु भयो । इन्स्पेक्टर थापाले पार्वतीको मृत्यु घटनास्थलमै भएको बताउनु भयो ।

शव पोष्टमार्टमको लागि दमौली अस्पताल पठाइएको र आरोपितलाई अनुसन्धानको लागि जिल्ला अदालतबाट म्याद थप गरी हिरासतमा राखिएको इन्स्पेक्टर थापाले बताउनु भयो ।


प्रकाशचन्द्र भट्टराई