समाचारहरू

लमही नगरपालिका–९ की ४३ वर्षीया इश्वरी कुमालको कुटपिट गरी हत्या गरेको आरोपमा पति ४४ वर्षीय पति चक्रबहादुर भन्ने श्यामकुमार कुमाललाई प्रहरीले ०८१ साउन ३० गते गिरफ्तार गरेको छ ।

घरायसी विवादका कारण पत्नीलाई कुमालले साउन २९ गते राति मादक पदार्थ सेवन गरेर कुटपिट गरी हत्या गरेको भन्दै पीडित पक्षले साउन ३० गते जिल्ला प्रहरी कार्यालयमा उजुरी दिएको थियो । पीडित पक्षले दिएको उजुरीको आधारमा आरोपितलाई गिरफ्तार गरी थप अनुसन्धान गरिरहेको जिल्ला प्रहरी कार्यालयका डिएसपी रामप्रसाद तिमल्सिनाले इन्सेकलाई जानकारी दिनुभयो ।

शवको पोष्टमार्टम साउन ३० गते लमही अस्पतालमा गरी परिवारले सोही दिन बुझेको छ ।

जयनारायण पुन