पत्नी हत्या घटनाका आरोपित पति गिरफ्तार

 

डिलाशैनी गाउँपालिका–७ धामीगाउँकी ६२ वर्षीया पत्नी पार्वती धामीलाई ०८० चैत ८ गते कोदालोले प्रहार गरी हत्या गरेको आरोपमा प्रहरीले ६२ वर्षीय पति कृष्ण धामीलाई चैत ८ गते गिरफ्तार गरेको छ ।

प्रहरीको प्रारम्भिक अनुसन्धान अनुसार घर्यासी बिवादका कारण धामीले ५६ वर्षीया पत्नीको  हत्या गरेका हुन् ।

आरोपित धामीले पत्नीलाई कोदालोले प्रहार गरी गम्भिर घाइते बनाएपछि धामीकै घरमा डेरा गरी बस्ने डिलाशैनी गाउँपालिकाका कर्मचारी २९ वर्षीय सुबास कलौनी र सोही गाउँपालिकाका कार्यालय सहयोगी २६ वर्षीय देवराज भट्टले घटनाको विरोध गरेका थिए ।

घटनाको विरोध गरेको भन्दै धमीले डिल्लाशैनी गाउँपालिकाका कर्मचारी कलौनी र भट्टलाई कोदालोले प्रहार गरी गम्भिर घाइते समेत बनाएको जिल्ला प्रहरी कार्यालय, बैतडीका इन्स्पेक्टर नन्दराज जोशीले बताउनु भयो ।

कोदालो प्रहारबाट गम्भिर घाइते हुनुभएकी पार्वतकीको उपचारका लागि अस्पताल लैजाने क्रममा मृत्यु भएको र गम्भिर घाइते भएका कर्मचारी कलौनी र भट्टको थप उपचारका लागि नेपाली सेनाको हेलिकप्टरबाट नेपालगञ्ज पठाइएको इन्स्पेक्टर जोशीले बताउनु भयो ।

शवको पोष्टमार्टम ०८० चैत ९ गते गोकुलेश्वर अस्पतालमा गरी आफन्तले दाहसस्कार गरेको र घटनामा संलग्न धामीलाई गिरफ्तार गरी अनुसन्धान भइरहेको जिल्ला प्रहरी कार्यालय, बैतडीका इन्स्पेक्टर जोशीले बताउनु भयो ।


नरी बडु