पत्नी हत्या घटनाका आरोपित गिरफ्तार

  ०८० फागुन १४ गते

सिद्धिचरण नगरपालिका-५ विप्लाटेकी ३८ वर्षीया किमु शेर्पाको कुटपिट गरी हत्या गरेको आरोपमा प्रहरीले ४० वर्षीय पति काजी शेर्पालाई गिरफ्तार गरेको छ ।

घरायसी विवादका क्रममा आरोपितले ०८० फागुन ११ गते किमु शेर्पालाई मरणासन्न हुने गरी कुटपिट गरेको र पीडितको उपचारका क्रममा फागुन १२ गते ओखलढुङ्गा सामुदायिक अस्पताल, सोब्रूमामा उपचारका क्रममा मृत्यु भएको जिल्ला प्रहरी कार्यालयका इन्स्पेक्टर विकास राईले बताउनु भयो ।

कुटपिट गरी हत्या गरेको आरोपमा माइती पक्षले फागुन १२ गते जिल्ला प्रहरी कार्यालयमा उजुरी दिएपछि आरोपितलाई फागुन १२ गते घरबाटै गिरफ्तार गरेको इन्स्पेक्टर राईले बताउनु भयो ।

शवको पोष्टमार्टम जिल्ला अस्पतालमा फागुन १२ गते गरिएको छ ।

पीडित पक्षले फागुन १२ गते शव बुझी सिद्धिचरण नगरपालिका-५ मा लामा संस्कार अनुसार सद्गत गरेको छ ।


सरस्वती बानियाँ