समाचारहरू

सुनकोशी गाउँपालिका-५, सुनखानी की ५० वर्षीया डोल्मा तमाङलाई हत्या गरेको आरोपमा सोही ठाउँका पती ५१ वर्षीय सोमबहादुर तमाङलाई प्रहरीले ०८० माघ १३ गते गिरफ्तार गरेको छ ।

आरोपित तमाङले पुस ९ गते बिहान घाँस काट्न जाने भनेर पत्नीलाई स्थानीय जङ्गलमा लगेर खुकुरी प्रहार गरी हत्या गरेको भन्दै पीडित पक्षले माघ १२ गते जिल्ला प्रहरी कार्यालयमा उजुरी दिनुभएको थियो ।

जङ्गलमा घाँस काट्न जाँदा जङ्गली जनावरले आक्रमण गरी मारेको भनि आरोपित तमाङले गाउँमा हल्ला गरेपछि स्थानीय तथा आफन्तले पुस १० गते आफ्नो रीति अनुसार दाहसंस्कार गरेका थिए ।

पीडितको पोष्टमार्टम पुस १० गते चौतारा अस्पतालमा भयो । पोष्टमार्टमको रिपोर्टमा धारिलो हतियार प्रयोग भएको चिकित्सकले भनेपछि पतिले हत्या गरेको पाइएको जिल्ला प्रहरी कार्यालयका डिएसपी निरञ्जन भट्टराइले इन्सेकलाई जानकारी दिनुभयो ।

नातिबावु धिताल