समाचारहरू

तिला गाउँपालिका –४ नुवाकोटका ४७ वर्षीय आइते सार्कीलाई प्रहरीले पत्नी हत्या गरेको आरोपमा गिरफ्तार गरेको छ ।

२३ वर्षीया ममता नेपालीलाई कुटपिट गरी हत्या गरेको आरोपमा प्रहरीले फागुन २७ गते घरबाटै गिरफ्तार गरेको हो ।

जिल्ला प्रहरी कार्यालय जुम्लाका इन्स्पेक्टर यमबहादुर बुढामगरका अनुसार कुटपिट गरेर घाइते बनाएको र समयमै उपचार नहुँदा मृत्यु भएको देखिएको छ । प्रारम्भिक बयानमा पतिले कुटपिट गर्दा बेहोस भएको बताएको छ । उहाँले भन्नुभयो मृतकको शव कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा पोस्टमार्टमका लागि ल्याइएको छ ।

प्रहरीलाई फागुन २७ गते दिउँसो २ बजेतिर खबर प्राप्त भएको थियो । शवको प्रकृति हेर्दाखेरी एक हप्ताअघि नै हत्या गरेर घरमा लुकाएर राखेको देखिन्छ,’ इन्स्पेक्टर बुढामगरले भन्नुभयो, ‘शव कुहिसकेकोले पत्नीलाई केले प्रहार गरेको भन्ने पत्ता लाग्न सकेको छैन । पोस्टमार्टम रिपोर्टले सबै स्पष्ट पार्नेछ । पतिले पत्नी बिरामी भएको छिमेकीलाईसम्म थाहा नदिनु, घरमै लुकाएर राख्नुले हत्या गरेको पुष्टि हुन्छ’, उहाँले भन्नुभयो ।

मानदत्त रावल