समाचारहरू

बेलबारी नगरपालिका–१ नक्सालबारीकी ५३ वर्षीया देवी महतलाई खुकुरी प्रहार गरी हत्या गरेको आरोपमा पीडित पक्षले ५७ वर्षीय पति हेमकर्ण महतविरुद्ध प्रहरीमा उजुरी दिएको छ ।

फागुन २२ गते बेलबारी नगरपालिका–१ नक्सालबारीमा आफन्तको विवाहमा निम्तो मान्न जाने क्रममा कान्छी पत्नी आएको थाहा पाएर जेठी पत्नीले रोकपछि विवादका क्रममा खुकुरी प्रहार गरी आमाको हत्या गरेको पीडितका छोरा पदमबहादुर महतले बताउनु भयो ।

आमाको हत्या गरेको आरोपमा बाबुविरुद्ध फागुन २५ गते इलाका प्रहरी कार्यालयमा उजुरी दिएको पदमबहादुरले बताउनु भयो ।

पीडित पक्षले प्रहरीमा उजुरी दिए लगत्तै आरोपित फरार भएको र खोजी भइरहेको जिल्ला प्रहरी कार्यालयका डिएसपी टिकाबहादुर कार्कीले बताउनु भयो ।

०७७ सालमा बाबुले कान्छी पत्नी मञ्जुलाई विवाह गरी ल्याएको पदमबहादुरको भनाइ छ ।

शवको पोष्टमार्टम फागुन २६ गते वीपी कोइराला स्वास्थ्य विज्ञान प्रतिष्ठान धरान घोपामा गरिएको छ ।

पीडित पक्षले सोही दिन शव बुझी बेलबारी नगरपालिका–१ स्थित खोलामा सद्गत गरेको छ ।

विनोद सुवेदी