समाचारहरू

पूर्वखोला गाउँपालिका-५ जोगीढुङ्गाकी ४० वर्षीया सुकमाया परियारलाई कोदालो प्रहार गरी हत्या गरेको आरोपमा प्रहरीले ४५ वर्षीय पति रनवीर दमाईलाई साउन २१ गते गिरफ्तार गरेको छ ।

आरोपितले साउन २० गते राति पत्नीको हत्या गरेको खबर आएपछि आरोपितलाई अनुसन्धानका लागि गिरफ्तार गरिएको जिल्ला प्रहरी कार्यालयका इन्स्पेक्टर अवधकिशोर ओझाले जानकारी दिए ।

रनवीरले यसअघि पनि दैनिकजसो मदिरा सेवन गरेर पत्नीलाई कुटपिट गर्ने गरेको छिमेकीले आरोप लगाएका छन् । मृतकको शवको पोष्टमार्टम जिल्ला अस्पताल पाल्पामा साउन २१ गते गरिएको छ ।

यज्ञमूर्ति तिमिल्सिना