समाचारहरू

माप्य दूधकोशी गाउँपालिका–४ की ३७ वर्षीया मनिला राईलाई खुकुरी प्रहार गरी हत्या गरेको आरोपमा प्रहरीले ३७ वर्षीय पति चन्द्र राईलाई चैत १६ गते गिरफ्तार गरेको छ ।

मादक पदार्थ सेवन गरेका आरोपितले घरायसी विवादका क्रममा चैत १६ गते खुकुरी प्रहार गरी पत्नीको हत्या गरेको सूचना स्थानीयले प्रहरीलाई दिएपछि आरोपितलाई अनुसन्धानका लागि घटनास्थलबाटै गिरफ्तार गरेको जिल्ला प्रहरी कार्यालयका इन्स्पेक्टर ऋषिराज ढकालले इन्सेक प्रतिनिधिसँगको फोन सम्पर्कमा बताउनु भयो ।

शवको पोष्टमार्टम जिल्ला अस्पतालमा चैत १७ गते गरिएको छ ।

सोही दिन पीडित पक्षले शव बुझी सोलु दूधकुण्ड नगरपालिका–४ स्थित फाप्लु जङ्गलमा सद्गत गरेको छ ।

भोजराज कार्की