पत्नी हत्या घटनाका आरोपित गिरफ्तार

  ०७८ चैत ६ गते

फाल्गुनन्द गाँउपालिका–३ की ३९ वर्षीया निशा थेबेलाइ कुटपिटपछि घाँटीमा थिची हत्या गरेको आरोपमा प्रहरीले ३५ वर्षीय पति दिलिप नेम्बाङलाइ चैत ४ गते गिरफ्तार गरेको जिल्ला प्रहरी कार्यालय पाँचथरका इन्स्पेक्टर डम्बर विश्वकर्माले जानकारी दिनुभयो ।

चैत ३ गतेदेखि सम्पर्कविहीन भएको भनी जिल्ला प्रहरी कार्यालय पाँचथरमा चैत ४ गते ५ बजेको समयमा जानकारी प्राप्त भएपछि खोजतलास र अनुसन्धान गर्ने क्रममा घरबाट अन्दाजी ५ सय मिटर पर सार्की खोल्साको ढुङ्गाको ओडारमा सुकेको पत्करले छोपी राखेको अवस्थामा भेटिएको प्रहरीले जनायो ।

Promo-04

चैत ३ गते नै आरोपितलाई गिरफ्तार गरी सोधपुछ गर्दा चैत ३ गते बेलुकी अन्दाजी ९ बजे घरायसी विवाद हुँदा कुटपिट गरी घाँटी थिची मारेको प्रारम्भिक अनुसन्धानबाट खुल्न आएको प्रहरीले जनाएको छ ।

शवको पोष्टमार्टम जिल्ला अस्पताल पाँचथरमा गरिएको र पोष्टमार्टमपछि शव बुझेर फाल्गुनन्द गाँउपालिका–३ स्थित खोलामा लगी अन्तेष्टी गरिने मृतकका जेठाजु डिल्ली नेम्बाङले बताउनु भयो ।


सहमान विश्वकर्मा