पत्नी हत्या घटनाका आरोपित गिरफ्तार

  ०७८ जेठ २८ गते

देउमाइ नगरपालिका–४ की ४६ वर्षीया सूर्जामाया तामाङको हत्या गरेको आरोपमा प्रहरीले ४५ वर्षीय पति ताकबहादुर तामाङलाई जेठ २८ गते गिरफ्तार गरेको छ ।

पीडितलाई आरोपितले घरायसी विवादका क्रममा जेठ २८ गते बिहान घाँटी रेटेर हत्या गरेको जिल्ला प्रहरी कार्यालयका डिएसपी लालध्वज सुवेदीले इन्सेक प्रतिनिधिसँगको फोन सम्पर्कमा बताउनु भयो ।

भोजपुरको रामप्रसादराई गाउँपालिका–१ स्थायी घर भई देउमाइ नगरपालिका–४ मा डेरा गरी बस्दै आएका आरोपितले पत्नीको हत्या गरेको सूचना स्थानीयले दिएपछि आरोपितलाई अनुसन्धानका लागि गिरफ्तार गरेको डिएसपी सुवेदीले बताउनु भयो ।

शवको पोष्टमार्टम इलाम अस्पतालमा गरिने तयारी भएको प्रहरीले जनाएको छ ।


कोकिला ढकाल