पत्नी हत्या घटनाका आरोपित गिरफ्तार

  ०७७ माघ २६

लालीगुराँस नगरपालिका–३ की ४७ वर्षीया मइतरानी लिम्बूको हत्या गरेको आरोपमा प्रहरीले ४३ वर्षीय पति नरबहादुर लिम्बूलाई  माघ २५ गते  गिरफ्तार गरेको छ ।

पीडितलाई आरोपितले घरायसी विवादका क्रममा माघ २५ गते बञ्चरो प्रहार गरी हत्या गरेको आरोपमा पीडित पक्षले आरोपितविरूद्ध सोही दिन प्रहरीमा उजुरी दिएको थियो ।

पीडित पक्षको उजुरीका आधारमा आरोपितलाई घटनालगत्तै घरबाटै गिरफ्तार गरेको जिल्ला प्रहरी कार्यालयका डिएसपी गौतम थापाले इन्सेक प्रतिनिधिसँगको फोन सम्पर्कमा बताउनु भयो ।

शवको पोष्टमार्टम माघ २६ गते जिल्ला अस्पतालमा गरिने र शव पीडित पक्षलाई जिम्मा दिने तयारी भएको डिएसपी थापाले बताउनु भयो ।


भगिश्वर लिम्बू