समाचारहरू

बबई गाउँपालिका–१ की ३४ वर्षीया खुमी बोटेको हत्या गरेको  कसुर ठहर गर्दै जिल्ला अदालतले मृतकका पति  ४० वर्षीय लालबहादुर बोटेलाई १५ वर्ष कैद सजायको फैसला गरेको छ ।

बोटेले पत्नीलाई ०७९ मङसिर १ गते हत्या गरेको भन्दै पीडित पक्षले मङ्सिर २ गते इलाका प्रहरी कार्यालय तुलसीपुरमा उजुरी दिएका थिए ।

प्रहरीले आरोपितलाई मङ्सिर २ गते गिरफ्तार गरी मङसिर २३ गते कर्तव्य ज्यानसम्बन्धी मुद्दा चलाएको थियो ।

जिल्ला अदालतका न्यायाधीश कृपासुर कार्कीको इजलासले जेठ १८ गते दोषी ठहर गर्दै १५ वर्ष कैद, १ लाख ५० हजार रूपियाँ जरीबाना र ६ हजार रूपियाँ पीडित राहत कोषमा जम्मा गर्ने फैसला गरेको जिल्ला अदालतका स्रेस्तेदार हिरण्यप्रसाद भण्डारीले बताउनु भयो ।

शवको पोष्टमार्टम मङ्सिर ३ गते राप्ती प्रादेशिक अस्पताल तुलसीपुरमा गरिएको थियो ।

जयनारायण पुन