समाचारहरू

सिलिचोङ गाउँपालिका स्थायी घर भइ खाँदबारी नगरपालिका-७ बस्दै आउनु भएकी २६ वर्षीया विना राईको हत्या गरेको कसुरमा जिल्ला अदालतले ३१ वर्षीय पति मङ्सिरे शेर्पालाई जन्मकैद सजायको फैसला गरेको छ ।

जिल्ला अदालतका न्यायाधीश ध्रुवराज पाण्डेको ०८१ भदौ १७ गतेको इजलासले कसुर गरेको ठहर गर्दै जन्मकैद सजायको फैसला गरेको हो ।

न्यायाधीश त्रिपाठीको सोही आदेशले कसुरदारबाट छोरीलाई १ लाख रुपियाँ क्षतिपूर्ति दिलाउने आदेश भएको अदालतका श्रेस्तेदार भरतमणि पोखरेल बताउनु भयो ।

घरायसी विवादका क्रममा शेर्पाले ०८० फागुन १८ गते विनालाई कुटपिट गरी हत्या गरेका थिए ।

माइती पक्षले  ०८० फागुन १८ गते जिल्ला प्रहरी कार्यालयमा उजुरी दिए लगत्तै शेर्पा फरार भएका थिए ।

शेर्पालाई प्रहरीले फागुन २४ गते खाँदबारी नगरपालिका-७ स्थित वेलफर डाँडाबाट गिरफ्तार गरी जिल्ला अदालतमा ०८९ चैत ४ गते कर्तज्य ज्यान शीर्षकमा मुद्दा दर्ता गरेको थियो ।

गिरफ्तारपछि ०८० फागुन २७ गते प्रहरीले पत्रकार सार्वजनिक गरी आरोपित शेर्पालाई सार्वजनिक गरेको थियो ।

जिल्ला अदालतका न्यायाधीश टेकनाथ गौतमको ०८० चैत ५ गतेको आदेशले आरोपित पुर्पक्षका लागि थिए ।

शवको पोष्टमार्टम जिल्ला अस्पतालमा ०८० फागुन १९ गते गरिएको थियो । पीडित पक्षले सोही दिन शव बुझी खाँदवारी नगरपालिका-१ मा सद्गत गरेको थियो ।

भविन कार्की